Obacht, dammisiech! S'isch Dialektwuche

20.03.2017, 10:17 Uhr
· Online seit 20.03.2017, 07:18 Uhr
Diä Woche drüllt sich bi üs alles um Dialekt, und vo wo diä chömed. För da hemmer eu e huere geils Quiz gmacht, woner euers Wüsse ide verschiedene Dialekt im FM1-Land chönd teschte. Viel Erfolg!
Sandro Zulian
Anzeige

Sodeli. I dene füüf Täg isch bi üs de Dialekt immer wieder emol Thema. Es isch jo enart scho krass, wiäme zum Bieschpiel z'Widnau im Rhintl scho wieder ganz anderscht redt als z'Dipildsou. Und diä beide Dörfer sind jo chuum e paar Meter nebetenand. Gspunne, oder?

Zerscht wömmer aber vo eu no husch wüsse, wa eues Liäblings-Dialektwort isch.

Schicked üs e Sprochnochricht uf 077 423 21 08

oder gäbed gad direkt en Funk is Studio uf 0848 22 22 11. Sege Dank!

Im Quiz wiiter une hemmer eu emol e chlini Uswahl zum Thema Dialekt anegjasset, wonner chönd luege, öb er au de henderletscht vo dene Begriff chönd usefinde. Mängi sind eifacher, mängi sind schwerer. D'Uswahl isch selbverschtändli nöd gad komplett, also fanget nöd a chlöne, wenn euen Begriff nöd drunder isch. För da hender d'Nummere, wo wiiter obe stoht.

Viel Spass!

veröffentlicht: 20. März 2017 07:18
aktualisiert: 20. März 2017 10:17

Anzeige
Anzeige